Kammersveit Reykjavíkur fagnar sínu fimmtugasta starfsári í ár. Sveitin hefur allt frá stofnun sinnt fjölbreyttu starfi og flutt í bland tónlist sem spannar 400 ár, allt frá tónlist barokktímans til samtímans þar sem sveitin hefur frumflutt fjölda lykilverka hér á landi og mörg þeirra á Myrkum músíkdögum. Á Myrkum músíkdögum í ár fagnar hópurinn áfanganum með óvæntu endurliti þar sem flutt verður eldri verk Þuríðar Jónsdóttur, Þorkels Sigurbjörnssonar og Hauks Tómassonar ásamt því að frumflytja nýtt verk Tuma Árnasonar.

Samstarf þeirra Guðrúnar Óskarsdóttur, semballeikara og Heleen Van Haegenborgh, tónskálds og píanóleikara sækir innblástur í heim þjóðsagna og sér í lagi í þann eiginleika þjóðsagna að geta umfaðmað flókin viðfangsefni úr mannlegri tilveru og umbreytt í einfalda og skýra mynd.

Tónleikar Cantoque Ensemble á Myrkum músíkdögum 2025 eru helgaðir kórtónlist Hjálmars H. Ragnarssonar.

Tónleikar Cantoque Ensemble á Myrkum músíkdögum 2025 eru helgaðir kórtónlist Hjálmars H. Ragnarssonar. Á undan tónleikunum ræðir Hjálmar H. Ragnarson við sýningarstjóra hátíðarinnar um feril sinn og tilurð þeirra verka sem flutt verða á tónleikunum.

Frá síðastliðnu hausti hafa meðlimir Skerplu, undir handleiðslu Berglindar Maríu Tómasdóttur, prófessors við tónlistardeild Listaháskóla Íslands, kafað ofan í feril og list nokkurra meðlima hins svokallaða SÚM-hóps, sem starfræktur var hér á landi á árunum 1965-1972. SÚM-hópurinn samanstóð af myndlistarfólki sem deildu ekki endilega sömu sýn á list sína en áttu þó sameiginlegt að vilja víkka mörk listarinnar og leiða inn á nýjar, ókannaðar slóðir. Þrátt fyrir fjölbreyttar nálganir meðlima mátti finna sameiginlegan þráð í sýn þeirra að vilja gera listsköpunina sjálfa að hversdagslegri athöfn sem væri jafn eðlilegur hluti af hversdeginum líkt og hvað annað. Efniviður listarinnar mætti vera úr hugmyndum líkt og hvað annað og að ekki þyrfti forsögu listasögunnar til að njóta þeirra.

Pípumessa, tónverk Iðunnar Einarsdóttur og Þórðar Hallgrímssonar, er hljóðrænt ferðalag í gegnum efnisheim pípa í öllum sínum fjölbreyttustu myndum. Fyrir bregður ólíkum hljóðfærum allt frá hefðbundnum tré- og málmblásturshljóðfærum yfir í blokkflautur gerðum úr niðurfallsrörum úr plasti, orgelpípur, drykkjarör úr gleri og margt fleira.

Á einleikstónleikum sínum frumflytur tónskáldið og kontrabassaklarínettuleikarinn John McCowen eigin verk fyrir kontrabassaklarínett sem öll voru samin síðla árs 2024. Í tónlist sinni þenur John út hljóðheim hljóðfæris síns til hins ítrasta svo að í ljós kemur, að því er virðist, smásær og iðandi lífheimur sem samsettur er úr sindrandi áferð og smágerðum hreyfingum hljóðanna.

Tónleikar Caput-hópsins á Myrkum músíkdögum er einn af árlegum fastapunktum hátíðarinnar og býður hópurinn að þessu sinni upp á frumflutning fjögurra nýrra verka. Flutt verða ný kammerverk eftir Bergrúnu Snæbjörnsdóttur og Hauk Tómasson auk tveggja nýrra einleikskonserta. Annars vegar verður fluttur nýr sellókonsert Halldór Smárassonar með einleik Sæunnar Þorsteinsdóttur og hins vegar nýr flautukonsert Ingibjargar Ýrar Skarphéðinsdóttur með einleik Bjargar Brjánsdóttur.

Enski kammerhópurinn Riot Ensemble kom líkt og stormsveipur inn á svið evrópskrar samtímatónlistar árið 2012 og hefur allar götur síðan komið fram á tónleikum og hátíðum vítt og breitt um Evrópu og þar á meðal átt í farsælu samstarfi við Myrka músíkdaga en sveitin kom síðast fram á hátíðinni árið 2019. Stærð hópsins er breytileg og getur spannað allt frá einum meðlimi upp í fullvaxna kammersveit. Á Myrkum músíkdögum í ár er hópurinn skipaður þeim Sarah Saviet, fiðluleikara, Stephen Upshaw, víóluleikara, Louise McMonagle, sellóleikara og Pétri Jónassyni, gítarleikara. Frumflutt verður nýtt verk Guðmundar Steins Gunnarssonar í bland við eldri verk þeirra Edmund Finnis, Dobrinku Tabakovu, Lisu Streich og Önnu Þorvaldsdóttur.

Þær Hildigunnur Einarsdóttir, mezzósópran og Guðrún Dalía Salómonsdóttir, píanóleikari, hafa í meira en áratug kafað ofan í sögu sönglagsins hér á landi og komið ítrekað að þessu margslungna tjáningarformi. Á Myrkum músíkdögum blása þær Hildigunnur og Guðrún Dalía til veislu til heiðurs sönglaginu og veita innsýn í heim þess hér á landi í samtímanum.

Samstarf Menntaskóla í tónlist (MÍT) og Myrkra Músíkdaga er ætlað að veita nemendum skólans tækifæri á að kafa ofan í tónlist starfandi tónskálda í samtímanum og fá þar liðsauka frá höfundunum sjálfum við að kanna þær ólíku birtingarmyndir sem tónlist tekur sér í samtímanum. Á tónleikunum í ár koma fram fjölbreyttir samspilshópar skólans, líkt og flautukór skólans, sem og opnir samspilshópar.

Sumarið 2021 hófu þau Berglind María og Eyjólfur að kanna í sameiningu hljóðheim náttúruflauta smíðaðar úr hvönn og rabbabara, efnivið sem finna má víða í íslenskri náttúru yfir sumartímann. Ventus er afrakstur þessarar könnunar og skírskotar til latneska heitisins yfir vind, sem ekki eingöngu er innblástur að tónheimi verksins, heldur hefur hann átt þátt í að móta efnivið þeirra hljóðfæra sem leikið verður á.

Margar fjölskyldur hafa það fyrir sið að fara í sund á laugardögum en nú gefst þeim tækifæri til að breyta svolítið til og skella sér í hljóðbað í Hörpu!  

Laugardaginn 25. janúar verður opin tónlistarsmiðja fyrir börn og fjölskyldur í Hörpu þar sem þeim gefst tækifæri til að baða sig í tónlist, leika sér með hljóð og tóna og finna hvernig ólíkir tónar og tíðnir geta haft áhrif á líkamann. Smiðjan er opin öllum fjölskyldum og hægt er að koma og fara eins og hverjum og einum hentar.  

Skáldið og tón- og myndlistarkonan Ásta Fanney Sigurðardóttir leggur undir sig Eldborgarsal Hörpu og býður til upplifunar sem dansar á mörkum tónlistar, hljóðlistar, skáldskaps, gjörnings og innsetningar í verki sínu Glossolalia.

Skilin á milli hversdagsins og listarinnar eru lítil sem engin í tónlist Masaya Ozaki og virðist sem tónlistin eigi sér stað og stund, fremur en að hún líði hjá í tíma og rúmi. Með verkum sínum beinir Ozaki sjónum okkar að því að tónlistarleg upplifun getur sprottið fram á ólíklegustu stöðum.

Öróperur Elínar Gunnlaugsdóttur, Busy og Halfway Down, eru samdar við texta A.A. Milne, sem er hvað þekktastur fyrir sögur sínar um Bangsímon. Óperurnar taka hvor um sig ekki nema um 8 mínútur í flutningi en þrátt fyrir smæð sína umfaðma verkin stærri þætti tilverunnar og takast á við tilvistarkreppu mannsins á fjörlegan og gáskafullan hátt. Öróperurnar verða fluttar hvor á eftir annarri í Hörpuhorni, gegnt Eldborgarsal á 2. hæð Hörpu. 

Árlegir tónleikar Sinfóníuhljómsveitar Íslands á tónlistarhátíðinni Myrkum músíkdögum eru tilhlökkunarefni fyrir alla unnendur íslenskrar og alþjóðlegrar samtímatónlistar. Á tónleikunum, sem eru opnunartónleikar hátíðarinnar í ár, hljóma nýleg og athyglisverð verk frá Íslandi og Brasilíu.

Við setningu Myrkra músíkdaga 2025 frumflytja nemendur úr Skólahljómsveit Vestur- og Miðbæjar, nýtt samsköpunarverk sem hópurinn hefur unnið að í vetur og samið sérstaklega í tilefni opnunar hátíðarinnar í ár. Setning hátíðarinnar fer fram í Hörpuhorni, gegnt Eldborgarsal á 2. Hæð Hörpu, og er viðburðurinn opinn öllum. 

MÁLSTOFA Á MYRKUM
Málstofa Rannsóknarstofu í tónlist: Snertiflötur SÚM og tónlistar

Gleðilegi geðrofsleikurinn – ópera eftir Guðmund Stein Gunnarsson

Lunacy: a Joyous Play – opera by Guðmundur Steinn Gunnarsson

Frumsýning 24. janúar kl. 20.00 | Premiere January 24, 8pm
Söngskólinn í Reykjavík | Reykjavik Academy of Singing

Nauðsynlegt er að bóka miða á tix.is. Smellið hér!.

Cantoque Ensemble flytur efnisskrá með kórverkum eftir Þorkel Sigurbjörnsson.

Cantoque Ensemble performs a programme with Þorkell Sigurbjörnsson's choral works.

MIÐASALA Á TIX / CLICK HERE FOR TICKETS

Á tónleikum contemporary piano currents má heyra verk fyrir píanó og rafhljóð eftir Kolbein Bjarnason, Olgu Neuwirth, Kaiju Saariaho ásamt verkum eftir flytjendurna sjálfa Oliver Sascha Frick og Junko Yamamoto.

contemporary piano currents presents works for piano and electronics by Kolbeinn Bjarnason, Olga Neuwirth, Kaija Saariaho and works by the performers themselves, Oliver Sascha Frick and Junko Yamamoto.

Kvikmynd:
DEEP LISTENING - The Story of Pauline Oliveros
Norræna húsið, 27. janúar kl. 13

. . . . .
Movie:
DEEP LISTENING - The Story of Pauline Oliveros (2023)
The Nordic House, January 27, 1pm

Daniel Weintraub's new feature-length film (2023), Deep Listening: The Story of Pauline Oliveros, is a documentary that traces the life and work of visionary composer, musician, teacher, technological innovator, and humanitarian Pauline Oliveros (1932–2016).

Málþing um hlustun og arfleifð Pauline Oliveros.
Í samstarfi við RíT: Rannsóknastofa í tónlist, starfrækt við Listaháskóla Íslands (LHÍ).

A seminar on listening and the legacy of Pauline Oliveros.
In collaboration with CRiM; Centre for Research in Music, hosted at Iceland University of the Arts (IUA).

ÓKEYPIS AÐGANGUR / FREE ADMISSION

Eins og undanfarin á þá mun Kammersveit Reykjavíkur bjóða uppá spennandi dagskrá á Myrkum músikdögum. Í þetta sinn mun hún frumflytja tvö ný íslensk verk eftir Finn Karlsson og Áskel Másson auk þess að leika Sex lög fyrir strengjakvartett frá árinu 1983 eftir Karólínu Eiríksdóttur.

The Reykjavík Chamber Orchestra premieres two pieces written by Icelandic composers Finnur Karlsson and Áskell Másson in addition to a string quartet from 1983 by Karólína Eiríksdóttir.

MIÐASALA Á TIX / CLICK HERE FOR TICKETS

Fidelio Trio, píanótríóið „virtúósíska“ frá Írlandi frumflytur íslensk og írsk verk.
The virtuosic Fidelio Trio from Ireland premieres new works by Icelandic and Irish composers.

MIÐASALA Á TIX / CLICK HERE FOR TICKETS

Þátttökuverk.  Hringdans. 
Participation piece. Circle dance.

MIÐASALA Á TIX / CLICK HERE FOR TICKETS

R • O • R er samstarfsverkefni Gyðu Valtýsdóttur og Úlfs Hanssonar. Þau flytja frumsamda tónlist leikna á selló og hljóðgervil, þar sem þau tvinna saman ólíka hljóðheima í sterka og áhrifaríka upplifun.

R • O • R is a collaboration between Gyða Valtýsdóttir & Úlfur Hansson. With Cello & a custom made synthesiser they create a unique soundscape that is transcendental & ethereal.

MIÐASALA Á TIX / CLICK HERE FOR TICKETS

Nemendur Menntaskóla í tónlist flytja verk eftir Björk, Maríu Huld Markan Sigfúsdóttur og Þórunni Guðmundsdóttur. Efnisskráin er fjölbreytt og framsækin og á tónleikunum koma m.a. annars fram strengjasveit MÍT, klarínettukór og flautukór skólans.

Students of the Reykjavík College of Music perform contemporary music from Iceland. New and progressive works performed by the school's string orchestra, clarinet ensemble and a flute choir.

MIÐASALA Á TIX / CLICK HERE FOR TICKETS